Auna VE ɗinku da kuma Ra'in Sauyinku shi zai yi jagorancin zaɓen ayyukanku. Jadawalin da ke ƙasa ya kawo waɗansu daga cikin ɓangarorin aiki da za su taimaka wajen gano abubuwan da ke kawo VE. Wannan ne mafarin wurin da ya dace danganta ayyukanku da abubuwan da ke ingizawa da masu janyowa waɗanda kuka gano ta hanyar bincikenku na abubuwan da ke kawo VE.
| Abu | Abubuwan da ke Kawo VE | Ayyukan P/CVE da za a Iya Nunawa |
|---|---|---|
| Muhalli Mai Kyau |
|
|
| Ingizawa |
|
|
| Janyowa |
|
|
Yayin da kuke zaɓar ayyukanku, yi la'akari:
WACE DAMA ƘUNGIYARKU TAKE DA SHI NA AIWATAR DA AYYUKAN DA KUKA ZAƁA?
Shin a yanzu haka kuna aiki ne a kan al'amari mai buƙatar ƙwarewa ko a wuri mai buƙatar ƙawarewa? Idan haka ne, shin za ku iya faɗaɗawa ko sauya ayyukanku domin fuskantar abubuwa ko mutanen da kuka gano? Idan ba haka ba ne, shin za ku iya faɗaɗa muhallin shirinku? Me za ku yi amfani da shi domin yin hakan? Damarmaki da iyakokin ƙungiyarku na iya nuna muhallin shirin da za ku iya gudanarwa.
TA YAYA ZA KU IYA GAYYATO WAƊANSU MUTANE DOMIN FAƊAƊA TASIRIN AYYUKANKU?
Ku yi tinani kan muhimman mahukunta da za ku gayyato da kuma yadda ya fi dacewa ku gina haɗin guiwa da sauran mutane, ƙungiyoyi, da neman haɗin kai domin faɗaɗawa ko samar da ƙarin ayyuka.
TA YAYA ZA KU TABBATAR DA CEWA AYYUKANKU BA ZA SU HAIFAR DA ILLA BA?
A duba Sashen Haɗi game da Ilimin Fahimtar Rikici domin samun tambayoyin da za a yi, takardar aikin da za a yi amfani da ita, game da yadda ya fi dacewa da ku gudanar da ayyukanku domin su kauce wa masu rabawa a cikin al'umma, sannan domin su samu damar ƙarfafa masu haɗawa.
Da zarar kun kammala nazartar masu rabawa da masu haɗawarku, za ku iya yin amfani da tsarin aikin da ke ƙasa domin taimaka muku wajen danganta nazarinku da kuma tsarinku na ayyukan shiri.
Bayan kun ba da ƙarfi kan masu rabawa da masu haɗawa (ku duba aikin da ke ƙasa), za ku iya la'akari da zaɓuɓɓuka da damarmaki.
- Ta yaya za a iya sauya waɗannan masu rabawa ko masu haɗawa? Ma'ana, waɗanne dabaru ne za su iya taimawa wajen rage/daƙushe waɗannan masu rabawa da kuma dabarun da za su ƙara/tallafa wa waɗannan masu haɗawa?
- Me ƙungiyarku za ta iya yi domin a samu sakamako mai kyau? Me kuke aikatawa wanda yake da, ko zai iya haifar da matsala? Me ya sa matsalar ke aukuwa? Me za ku iya sauyawa domin yin tasiri a kan sakamakon? Fahimtar ayyuka da ɗabi'u na iya taimaka muku wajen tsara dabarun aiwatarwarku (an tattauna a ƙarƙashin Modul Ɗin Aiwatarwa).
- Waɗanne zaɓuɓɓuka da damarmaki ne ke da alaƙa da manunan da kuka samar a Mataki na 2 a yayin auna Masu Rabawa da Masu Haɗawa a Modul Ɗin Samu?
- Ta yaya za ku iya sa ido ga sauye-sauyen da shirinku ya haifar? Wannan zai taimaka wa dabarunku na sanya ido da aunawa (an tattauna a Modul ɗin Sanya Ido da Aunawa).
- Idan ba a samu sauyi ba, shin kuna da wani zaɓi na daban? Shin kuna da hanyar fahimtar dalilin da ya sa sauyi bai samar da tasirin da kuke tsammani ba? Wannan zai taimaka wa tsarinku na koyo (an tattauna a ƙarƙashin Modul Ɗin Koyo).